Tsątsąne benı̨ hųlı̨ k’e ɂası dałya sı ɂedırı nęnę 2023-2024 k’e nųt’ą nı̨. T’a ɂasıe nı̨lya sı t’a horelyų ɂedırı ląt’e ɂası k’onı̨ Denededłı̨ne bets’ı̨ ɂası thela net’ı̨ dąlı̨ hadé t’a ɂedırı ląt’e Ɂałnedhe ɂası k’odorelyą bel hoɂą. Ku ɂedı̨nı̨ betł’esı ɂası hołe hadé, t’ąt’u ɂedırı tsątsąne benı̨ hųlı̨ k’e ɂası dałye bel nodher ɂa t’ąt’u ɂası hulɂa dąlı̨ borenı̨ ha t’a bets’ı̨ ɂası hųlı̨ ghą k’odorelyą ha. Horelyų t’a ɂasıe dene ha thela k’ı t’a ɂasıe nuhets’ı̨ sı t’a bet’oredhı sı denı̨tł’ıs hųlı̨ t’a dene ts’ı̨ sı hel hoɂą ku beghą yatı hųlı̨ sı bedı̨ halaya. Nuhnı̨ hadanıdhęn hu horelyų t’ok’e Denededłı̨ne naradé chu t’a bets’ı̨ ɂası hųlı̨ sı betł’analyé ha hodorılɂı̨h. ɂeyı dene bel ɂası daıłtsı hodorılɂı̨h bets’ı̨ ɂası chu ɂeła nųt’a ha ɂeją tsątsąne benı̨ hųlı̨ k’e thela ha. Ku ɂałų beghą henerúnı̨ nı̨dhęn de ɂedırı ghą t’a Denededłı̨ne ch’alanı̨e t’a hoɂą hųlı̨ sı ts’ęn K’oldher bets’ęn yatı nųɂa.