Ooma kitayamakana awpacihcikan pimouhtatawin kee-oustaniwun ishpee 2023-2024. Iyikouhk ouschi neekawn oushkawniwun kaw-mashnipayihtahk ooma Indigene Wawpaschikaywina koleksyoon pi kaw-peekishkwachikawtayk avek Kishkayistamowin Kanwayimiwayw. Awntser ooma okishshinahamakaywin, nikee ashtanawn kitayamakana awpacihcikan pimouhtatawin akousheeshi chikee paminem natounikaywina ouschi lee moond ishi aykwawnikik oohin kaw-kee-ishipimawchihounawniwun otipihchikataywina naway kischeetayihtakwun. Niki ashtawnawn weehstamakaywin ouschi nimashinahikanana nahiyikouhk kaw-itayistakwahk pi aenprtaan avek lee portray ouschi itahto kaw-kee-ishipimawchihounawniwun tipihchikataywina mawka niki nakataynawn la diskripsyoon keema nishtohtamakewin ouschi tipihchikataywina. Nipakoushaymounawn aykwawnima chi-oushtayahk ayiwawk akimishouwina avek Indigene li moond pi alawntour pi keestwawm akimishouwin ouschi oohin tipihchikataywina, niweehkoumikawnawn chi-atoushkawtahkik avek niyanawn chi-mashinahamahk oohci lee diskripsyoon pi chi-ahkikihk ooma kitayamakana awpacihcikan pimouhtatawin. Keeshpin ki-nouhtay kishkayistaen ayiwawk keema chi-wawpastamin oohin tipihchikataywina kiya ikou, si voo play kawschitinik ooki Kanawayischikayw ouschi Indigene Kaw-kee-ishipimawchihounawniwun Listwer.