bridle

Lee portray daw Indigene Kaw-kee-ishipimawchihounawniwun Listwer Koleksyoon ihtakoonwa poor noo-poor-ouhtisiwin pi ouhtisiwin awpachistawin. 

Namoo kahkwuy itakihtayw ooma noo-poor-ouhtisiwin awpachistawin daw lee portray. Mawka, ooma Meuzii kischeetayistam maykiwina ishi itakistaywin ouschi kaw-mashnipayihtahk la koleksyoon pi kaw-mekihk ooma li portray pamihiwaywin. Maykihk chiweechihiwayhk pi ichishaha ishi Indigene Kaw-kee-ishipimawchihounawniwun Listwer Koleksyoon.

Wawpahchikaywin di ouhtisiwin ishitouchikawtaywina (ooma kawmashinawshtayk namoo mitouni kahkiyow):

• Kahkwuy kaw-mashnayhikawtayk avek atawwawniwun etakihtaywin, avek lee li leevr d'ikol pi koushkounahamawkaywin li leevr pi lee gaazett.
• Kitayamakana awpacihcikan pimouhtatawin aykwawnima awpachistawn chi- awnkourazhee pi awn navawn ouhtisiwin ishitouchikawtaywina (tapishkoot, chi-atawakihk oushihtawina keema pamihiwaywina).
• Makaykwy oustamihikoowin kaw-pimouhtatahk mashnaykaywin awpachischikana keema awpachiscikana aykwawnihi awnkourazhee oushihtawin keema pamihiwaywin.
• Kaykinikawtayw kawkishkayhtamouhiwayhk tapishkoot igzaminee too lee zawn.
• Mouschi-pihtikwaywin etahkamikishouwina, wawpastahiwaywina. keema peekishkwaywina kaw-awnkourazhee oushihtawin keema pamihiwaywin.
• Noukouhtawin daw piblik plaas kaw-awnkourazhee oushihtawin keema pamihiwaywin.

Wawpahchikaywin di noo-poor-ouhtisiwin ishitouchikawtaywina (ooma kawmashinawshtayk namoo mitouni kahkiyow):

• Mouschi-pihtikwaywin, koushkounahamawkaywin peekishkwaywina (keema ishitouchikawtaywina kaw-awnkourazhee mouschi-pihtikwaywin peekishkwaywina).
• Awnkourazheeion pikou tawnihi noo-poor-ouhtisiwin ishitouchikawtaywin, tapishkoot mishi-mashinahikan kaw-noukoohtahk d’arzawn.
• Payyekwow enn shaambr d’ikol awpachistawin.
• Kawhkeehtwawmi oushistawin didawn mooshchiytayhtamoowin li dokumawn kaw-pakitinikawtayk ouschi aen zhann d’ikol itay koushkounahamawkaywin oushistawin, kaw-mekawtayk ooma mashinahikan ihtakwun aka kaykwuy chi-tipahikihk ishi otapachistaw.
• Weehstamakaywin, koushkounahamawkaywin, keema natoonikewina-itouwahk kitayamakana awpacihcikan pimouhtatawina aykwawnihi namoo katakoonwin ishi pikou tawnima la business ishitouchikawtaywin.
• Wawpastahiwayw didawn mouschi-pihtikwaywin daw li piblik lispas aykwawnima namoo kaw-awnkourazhee oushihtawin keema pamihiwaywin.
• Koushkounahamawkaywin pi enn shaambr d’ikol awpachistawin didawn koushkounahamawkaywin oushistawin keema poor itayimoowin di kwayesh koushkounahamawkaywin.

Ayspeeshchawin
Ooma ayspeeshchawin pi nahiyokouhk ashtawin ouschi lee portray mamisiwin ouschi kaw-ishi awpachistayin pi manawchischikaywin, avek meena ayspeeshchawin/emamiyouwina kischee li portray ouschi.

Itakihtaywin
Iyikohk itakihtaywin ouschi ooma lisawns mamisiwin kaw-wi-ishi awpachistawyin. Poor mouschi kishkayistamihiwaywin, si voo play email ichaha info@royalsaskmuseum.ca avek katakoonwin ishi li portray(s) pi iyikouhk weehstamakaywin si possib ouschi kaw-wi-ishi awpachistawyin.